Një 16 vjeçar është arrestuar nga Policia e Shkodrës pasi së bashku me 5 bashkëmoshatarë të tjerë kanë qëlluar me armë zjarri në ajër në fshatin Hot i Ri duke shkaktuar panik tek banorët.
Policia ka shpallur në kërkim një 15 vjeçar ndërsa ka proceduar në gjendje të lirë 4 të rinj të tjerë.
Ndalimi i tyre ka ardhur pas disa telefonatave në Drejtorinë Vendore të Policisë Shkodër se midis fshatit Hot i Ri dhe Grudë e Re po qëllohej me armë zjarri nga disa adoleshentë.
Të rinjtë akuzohen për veprat penale “Armëmbajtja pa leje” dhe “Prishje e rendit dhe qetësisë publike”, shkruan Insajderi.
Shërbimet e Policisë, në vendin e ngjarjes, gjetën dhe sekuestruan një armë zjarri automatik, e cila rezultoi se i përkiste shtetasit me iniciale E. Z.
