Mbi 100 anëtarë të Gardës Kombëtare të Kolorados përgatiten për t’u vendosur në Kosovë.
Më shumë se 100 anëtarë të Gardës Kombëtare të Kolorados janë duke u thënë lamtumirë familjeve të tyre ndërsa përgatiten për t’u vendosur në Kosovë.
Ushtarët nga Regjimenti i 135-të i Aviacionit u nderuan në një ceremoni lamtumire të enjten pasdite në bazën e Forcave Ajrore Buckley në Aurora, raporton KDVR.
Rreth 130 ushtarë do të kalojnë vitin e ardhshëm në Kosovë duke ushtruar sulme ajrore, evakuim të viktimave dhe mbështetje luftarake së bashku me forcat e NATO-s.
Ata gjithashtu do të ndihmojnë autoritetet lokale gjatë sezonit të ardhshëm të zjarrit në atë pjesë të Evropës.
Mund të duket si një vendosje paqësore, por drejtuesit e Gardës Kombëtare të Kolorados u kujtuan ushtarëve që Ballkani mund të jetë një vend i nxehtë.
“Ka pasur një luftë mjaft të keqe atje dhe ka ende shumë mina atje. Njerëzit lëndohen. Njerëzit sëmuren. Kështu që ne do të bëjmë operacione 24/7 derisa jemi atje”, tha Lt. Koloneli Kenneth Walsh.
“Unë kurrë nuk kam qenë jashtë vendit më parë, kështu që do të jetë një përvojë e re argëtuese,” tha 23-vjeçarja Kelley Bowers nga Aurora.
Të tjerët në grup janë veteranë me angazhime të ndryshme.
“Unë kam qenë në Afganistan për gjashtë muaj dhe pastaj kam qenë në gjendje të jem në shtëpi me familjen time për ndoshta rreth 40 ditë. Dhe, tani ne jemi duke shkuar për në Kosovë për 11 muaj,” tha Stanton Walker nga Cedaredge, i cili i falënderon gruan e tij mbështetëse për lejimin e tij që të marrë pjesë në operacion.
“Kjo është ajo gjë që ju shihni tek njerëzit ushtarakë. Ne gjithmonë e njohim dikë që ka bërë më shumë se ne, kështu që ne gjithmonë ndjehemi sikur ka më shumë që mund të bëjmë,” tha kapiteni Rob Bingham, një komandant i njërës prej njësive që do të operojë në Kosovë, transmeton lajmi.net.
Dhe, ata janë gjithmonë të gatshëm ta bëjnë këtë.
“Ne jemi atje në interes të sigurisë sonë kombëtare. Do të kthehemi më të gatshëm nga ç’kemi qenë ndonjëherë. Dhe, ne do të kthehemi të sigurt” tha Walsh.
