Viti 2019 ka qenë një vit mjaft i trishtë për artin shqiptar, pasi u ndanë nga jeta disa nga emrat më të njohur të artit.
Ahmet Qirezi – Aktor, gazetar, kritik i filmit e teatrit, dramaturgu është ndarë nga jeta ditën e sotme më 25 dhjetor, në moshën 88-vjeçare. Ahmet Qirezi i takon gjeneratës së parë të aktorëve të Teatrit popullor krahinor (1954), tani teatri kombëtar i Kosovës.
Gjergj Xhuvani – Regjisori i mirënjohur u nda nga jeta në moshën 56-vjeçare pas një sëmundjeje të rëndë. Ai ndërroi jetë në muajin gusht të këtij viti në një spital në Romë.
Josif Koci – Aktori i mirënjohur i cili performonte në teatrin e Durrësit “Aleksandër Moisiu” u nda nga jeta në muajin nëntor të këtij viti.
Fatos Baxhaku – Gazetari dhe publicisti u nda nga jeta në moshën 55-vjeçare si pasojë e një sëmundjeje të rëndë, në muajin gusht të këtij viti.
Shpëtim Zani – Aktori i njohur për publikun shqiptar me rolin e tij “Coli” në filmin ‘Debatiku’, u nda nga jeta në moshë 75-vjeçare në muajin gusht të këtij vit
Agim Mujo – Aktori i mirënjohur ndërroi jetë në moshën 63-vjeçare si pasojë e një ataku kardiak. Vëllai i aktores Yllka Mujo ndërroi jetë në muajin shtator në Romë të Italisë, ku jetonte prej vitit 1990.
Vera Urumi – Aktorja durrsake ndërroi jetë në muajin mars të këtij viti, në moshën 87-vjeçare.
Në foto paraqitet një fragment nga komedia ‘Prefekti’ ku aktorja, Vera Urumi luante në rolin e Zonjës përkrah Nikolin dhe Meropi Xhojës dhe në foton tjetër me kolegun e saj, Lutfi Hoxha gjatë ceremonisë së Festivalit të Filmit në Durrës në vitin 2012.
Qerim Mata – Regjisori i njohur ndërroi jetë në muajin mars, në moshën 85-vjeçare. Ai u bë i njohur me rolin Lefter Lefteri në filmin “I teti në bronx”.
Ana Gjini – Aktorja e Teatrit Migjeni u nda nga jeta në moshën 75-vjeçare. Ana interpretoi për 25 vite në skenën e teatrit duke realizuar 45 role.
Shpresa Bërdëllima – Aktorja e mirënjohur u nda nga jeta në fund të muajit tetor në moshën 60-vjeçare. Ajo ndërroi jetë në Belgjikë, pasi prej vitesh vuante nga një sëmundje e rëndë.
Marika Kallamata – Aktorja e mirënjohur u nda nga jeta këtë muaj në moshën 89-vjeçare.
Mira Minga Jupi – Aktorja ndërroi jetë këtë muaj në SHBA, ku edhe jetonte prej 19 vitesh.
Eva Pëllumbi – U nda nga jeta ditën e djeshme në Gjermani në moshën 66-vjeçare. Aktorja e njohur për filmat “ Vajzat me kordele të kuqe”, “Kapedani” apo “Ëndërr për karrige” si dhe për rolet e saj të shumta të Teatrin e Kukullave jetonte në Gjermani që në fillim të viteve ‘90.
Muhamet Lika – Aktori i njohur, pjesë e parodistëve të Vlorës u nda nga jeta në muajin maj, në moshën 64-vjeçare. Ai vuante prej kohësh nga sëmundja e zemrës
