Deputeti i Lëvizjes Vetëvendosje, Mefail Bajqinovci përmes një postimi në Facebook ka thënë se policët që ndjehen të afërt me pushtetin, në gjendje të dehur vrasin qytetarë të pafajshëm.
Ai ka thënë se padrejtësia e kthyer në sistem, duhet të ndërgjegjësojë secilin njeri të ndershëm në vend, pa dallim partie, shkruan InLajmi.
“Policë që ndjehen të afërt me pushtetin, në gjendje të dehur vrasin qytetarë të pafajshëm. Kur një shtet kriminalizohet, gjëja e parë që ndodhë, është çlirimi i grupeve kriminale ose ma saktë besimi i tyre se për krimet e tyre, do të kenë zgjidhje në drejtësi e polici të kapur nga krimi politik. Në këtë mënyrë, viktimat e krimit vihen në një mungesë totale të mbrojtjes nga krimi. Padrejtësia e kthyer në sistem, sot duhet të ndërgjegjësojë secilin njeri të ndershëm në këtë vend, pa dallim partie”, ka shkruar ai.
Ditën e sotme një polic në komunën e Gjilanit ka lënë të vdekur një qytetarë./InLajmi/
