Ministria e Punëve të Jashtme e Kosovës nëpërmjet shërbimit Konsullore dhe Ambasadës së Kosovës në Paris është në kontakt të vazhdueshëm me autoritetet lokale në Francë, të cilët gjatë ditëve në vijim do të bëjë të ditur detajet lidhur me rastin e vdekjes së dy fëmijëve, shkruan InLajmi.
“Ministri i Punëve të Jashtme, Behgjet Pacolli, dhe institucioni që udhëheq e ka marr me dhimbje të thellë lajmin për vdekjen e dy fëmijëve kosovar në Francë. Andaj, shpreh ngushëllimet më të sinqerta për prindërit e fëmijëve, familjen dhe miqtë e tyre. Ministri Pacolli, në këto momente të vështira shpreh gatishmeri se misioni diplomatik në Paris do të sigurojë të gjithë ndihmën e nevojshme për familjarët e viktimave “- thuhet në njoftimin e ministrisë së Punëve të Jashtme./InLajmi/
