Ministri në detyrë i Shëndetësisë, Uran Ismaili përmes një postimi në Facebook ka njoftuar se ka nënshkruar kontratë për furnizimin me Interferon-Beta 1a, e cila është terapi për të prekurit nga Skleroza Multiple.
Nga kjo sëmundje ai ka thënë se janë varfëruar shumë si pasojë e shpenzimeve të larta, por tani ajo do të jepet falas nga institucionet shëndetësore, shkruan InLajmi.
“Kam nënshkruar kontratën e parë për furnizim me Interferon- Beta 1a, terapi për të prekurit nga Skleroza Multiple. Meqenëse kjo terapi nuk ka qenë më herët pjesë e listës esenciale, shumë familje kosovare të prekura nga kjo sëmundje e rrallë janë varfëruar si pasojë e shpenzimeve të larta. Nga sot, ata nuk do të kenë nevojë që ta blejnë më atë por do ta marrin falas në institucionet tona shëndetësore. Për më tepër, edhe terapia e Ocrelizumab është në procedurë të blerjes. Shumë i lumtur me efektet e para të Listës së re të Barnave Esenciale”, ka shkruar Ismaili./InLajmi/
