Klasa politike e Kosovës në kohët e fundit ëhstë sulmuar nga kryeministri i Shqipërisë, Edi Rama i cili ka thënë se po e dëmtojnë shtetin më të ri shqiptar me dritëshukurëtsinë e tyre.
Përplasja e tyre ka fillur kur Kosova refuzoi ftesën e Samitit që është mbajtur në Tiranë ku ka pasur akuza e kundër akuza.
Kryeministri në detyrë, Ramush Haradinaj ka qenë i drejtëpërdrejt me Edi Ramën ku ka thënë se nëse i dhimbsen kosovarët, duhej të hiqej taksa.
“Nëse i dhimbseshin kosovarët, duhej të hiqte taksën nga Rruga e Kombit”.
Derisa ishin duke u bërë këto replika mes dy kryqyteteve shqiptare, ambasadorja e Kosovës në Amerikë, Vlora Çitaku dhe ajo e Shqipërisë Floreta Luli-Faber, kanë postuar një foto së bashku.
Çitaku ka publikuar një foto të përbashkët teksa ishin në Koncertin e Organizuar nga Diaspora në DC në mbështetje të grave dhe fëmijëve të familjeve të prekura nga tërmeti i 26 nëntorit në Shqipëri.
Përmes një postimi në Facebook, Çitaku ka thënë se është tej mase mirënjohëse ndaj komunitetit shqiptaro-amerikan për zemërgjerësinë e treguar këto ditë në ndihmë të Shqipërisë, derisa ka përgëzuar ambasadoren e Shqipërisë për angazhimin dhe punën e jashtëzakonshme.
“Përgëzime Floreta për angazhimin dhe punën e jashtëzakonshme”, ka shkruar Çitaku./InLajmi/
