Bekim Hallaqi këtë të hënë u ndalua nga Policia e Kosovës në një nga pikat më të frekuentuar në kryeqytet.
Por, ndaj Hallaqit zyrtarët policorë nuk shqiptuan ndonjë gjobë, por iu dha një mesazh për sigurinë e vajzës së tij në trafik, Unës.
Derisa Una pranoi dhuratë nga Policia e Kosovës, tha se është e njoftuar për rregullat në trafik.
Kjo njësi e Policisë ndaloi edhe shumë vetura të tjera ku pasagjerë ishin edhe fëmijë të moshave të ndryshme, të cilët pranuan dhurata për festat e fundvitit.
Por, dhuratat ishin simbolikë në kuadër të projektit të Policisë së Kosovës për ngritjen e vetëdijesimit te ngasësit për sigurinë e fëmijëve në automjete, shkruan Koha.net.
Policia e Kosovës, përveç ofrimit të sigurisë, në prag të festave të fundvitit ka planifikuar edhe një varg aktivitetesh tjera.
https://www.youtube.com/watch?time_continue=6&v=auf9DflcIqA&feature=emb_logo
