Nënkryetari i parë i LDK-së, Agim Veliu, në 30 vjetorin e themelimit të kësaj partie ka thënë se ajo është subjekti më lidershipin më të mirë që ka guximin politik dhe anëtarësinë më besnike.
Përmes një postimi në llogarinë e tij në Facebook, ai ka thënë se Lidhja Demokratike e Kosovës është më shumë sesa një parti, shkruan InLajmi.
“Tridhjetë vjet nga lindja e Lidhjes Demokratike të Kosovës, lëvizjes politike nacionale, e cila fuqishëm artikuloi kërkesat politike të shqiptarëve dhe u bë nismëtare e proceseve të pluralizmit në këtë pjesë të Evropës”.
Postimi i plotë i tij:
Tridhjetë vjet nga lindja e Lidhjes Demokratike të Kosovës, lëvizjes politike nacionale, e cila fuqishëm artikuloi kërkesat politike të shqiptarëve dhe u bë nismëtare e proceseve të pluralizmit në këtë pjesë të Evropës.
Me profilin saj kombëtar, demokratik e shtetformues, LDK përmbysi rendin komunist dhe u bë forcë motorike e lëvizjes për lirinë dhe pavarësinë e Kosovës.
Tash, në 30-vjetorin e lindjes së Lidhjes sonë, që me themeluesin dhe prijësin e saj historik Dr. Ibrahim Rugova, vendosi themelet e shtetit të pavarur e sovran, LDK fuqishëm është e angazhuar dhe punon në shtetndërtimin e Kosovës, një shteti normal evropian ku sundon ligji e mbretëron dija.
Lidhja Demokratike e Kosovës është më shumë sesa një parti, është një institucion nacional që kultivon e afirmon vlera dhe ruan miqësinë me aleatët perëndimorë, Shtetet e Bashkuara e NATO-në dhe punon fuqishëm për integrim në BE.
Në ditëlindjen e saj të 30-të LDK vazhdon të jetë partia me lidershipin më të mirë, që ka dijen e guximin politik dhe anëtarësinë më besnike.
Qoftë e bekuar Lidhja jonë!/InLajmi
