Largimi nga Superliga, rezultatet e dobëta në ligën e parë futbollistike të Kosovës, shkeljet e shumta statutare, keqmenaxhimi i Klubit dhe i parasë publike, ishin shkas i thirrjes të mbledhjes së jashtëzakonshme të Kuvendit të KF “Liria”, që u mbajtë këto ditë, për çka me kohë janë informuar lexuesit e InLajmit.
Në mesin e pesë anëtarëve të propozuar për komisionin, i cili do të merret me organizimin e një Kuvendi të ri, ishte edhe emri i Besim Shkrelit, ish futbollist i kētij klubi, cili për shkak tē udhëtimit zyrtar, (jashtë vendit), nuk ishte prezent në këtë mbledhje.
“Nuk e di si kanë mundur që pa ndonjē bisedë paraprake dhe pa pëlqimin tim, me që nuk isha fare prezent aty, të mē propozojnë dhe zgjedhin anëtarë të këtij komisioni”, – thotë Besim Shkreli.
Gjatë bisedës me gazetarin e InLajmit, Besimi tregoi edhe shumë arësyena tē tjera pse nuk dëshiron tē jetë anētar i Komisionit, i cili do tē merret me “shpëtimin” e KF “LIRIA”, dikur krenaria i sportit jo vetëm i Prizrenit tē lashtĕ.
“Unē e kam dashur dhe e dua sportin dhe “Lirinë”, pa kurfarë interesi. Lumturohem pa masë për suksesert, por edhe ndjej dhëmbje në shpirt, për çdo mos sukses tē klubit. Jam kalitur si futbollist në fushēn e gjelbĕr dhe në kĕtĕ klub. Edhe pas përfundimit të karrierës time në futboll, me mundësitë e mia intelektuale e materiale, gjithnjë kam qenë me dhe pranë klubit, i cili në vitet e fundit, ka nevojë për përkrahje të sinçert qytetëruese, e jo për klane interesash dhe përfitues!…
” Kĕshtu mendon e flet Besim Shkreli, njēri nga prizrenasit që gjatë tërë jetĕs ka dhēnē kontribut të çmuar për sportin në përgjithēsi, veçanërisht për “Lirinë”. Kĕshtu, sikur Besimi, dje dhe sot mendojnĕ dhe flasin edhe shumë sportdashës prizrenas, tashmë të zhgēnjyer me “fatin” e brishtë të klubit të tyre të zemrës. Osman Goranci./InLajmi/
