Kur kanë mbetur edhe pak ditë deri në seancës konstitutive të Kuvendit të Kosovës, Lëvizja Vetëvendosje dhe Lidhja Demokratike të Kosovës, po heshtin se çfarë janë duke bë me koalicionin qeverisës.
Gazeta, ka pyetur zyrtarë nga të dyja partitë politike, por askush prej tyre nuk ishte i gatshëm të përgjigjet, se a do të ketë dhe kur takim të radhës?
Heshtja prej varri, nga dy subjektet politike, po japin sinjale jo të mira për mijëra votuesit e tyre.
Sovrani votoi për ndryshim, mirëpo këtë ndryshim po e pengojnë të dyja partitë përshkak se nuk po mund të merren vesh për ndarjen e posteve.
Tashmë po flitet se nuk është vetëm posti i presidentit për të cilin nuk po merren vesh, por edhe pozita e Drejtorit të Agjencisë Inteligjente të Kosovës (AKI) dhe Kryeprokurorit të Shtetit.
Apetiti i kërkesave nga subjektet politike sa rritet e shtohet, ndërsa situata momentale është jashtëzakonisht e rëndë në Kosovë, pasi kemi një qeveri në dorëheqje, ku kryeministri në detyre Ramush Haradinaj po e shfrytëzon shumë mirë këtë moment, duke shpenzuar mijëra para nga rezervat e shtetit të Kosovës.
Megjithatë, me 26 dhjetor është thirrur seanca konstituive e Kuvendit të Kosovës, nga presidentin Hashim Thaçi. Sa më shumë që afrohet ajo datë, aq më larg po duket koalicioni i “shpresës”.
Heshtje varri, është kapluar në subjektet politike të cilat nuk po mund të merren vesh për janë koalicion të mirëbesimit, për të qeverisur me vendin.
E ky koalicion është mese i nevojshëm përshkak të shumë parregullsive që kanë ndodhur në Kosovë. Krimi e korrupsioni ishte dhe mbetet pika më e zezë dhe puna më e rënd për qeverinë e re – pra për qeverinë LVV-LDK nëse arrihet, ndryshe secila qeveri tjetër që vjen përveç tyre, është e zhytur deri në fyt në krim e korrupsion, gjë që nuk pritet të kthjellet Kosova për vite të tëra, shkruan Bota sot.
Megjithatë, shpresa vdes e fundit, andaj shpresojmë që një marrëveshje për qeverinë e re do të arrihet edhe pas kësaj zhagitje e cila ka ndodhur për më shumë se dy muaj.
