Presidenti serb Aleksandër Vuçiç dhe kryeministri i Maqedonisë së Veriut, Zoran Zaev do të qëndrojnë në Tiranë për të qenë të pranishëm dhe zhvilluar atë që njihet si takimi i “mini-shengenit ballkanik”.
Kësaj here Rama, Vuçiç dhe Zaev po takohen në Tiranë. Ndërkohë sot në orën 19:00, Rama së bashku me delegacionet pjesëmarrëse do të jenë të pranishëm në Parkun Olimpik.
Nga ana tjetër Lëvizja VV në Tiranë paralel me takimin po organizon një tubim në bulevardin ‘Dëshmorët e Kombit’.
Derisa ata takohen jashtë dhjetëra persona janë duke protestuar kundër vizitës së Alesandar Vuçiqit në Tiranë i cili pritet të marrë pjesë në Samitin e liderëve të Ballkanit Perëndimor, shkruan Top Channel.
”Ai është kriminel, ka vrarë shqiptarë”, dëgjohen thirrjet e disa nga protestuesve.
