Një person dyshohet se është plagosur gjatë mbrëmjes së djeshme në njërin prej lokaleve në Prishtinë gjatë gjuajtjes me armë zjarri.
I plagosuri dyshohet që është Shaban Ramaj, truproj i Kryetares së Bordit të Telekomit, Besa Shatri.
Lidhur me rastin Policia e Kosovës në raportin e dërguar ka thënë se I plagosuri është dërguar në QKUK për tretman mjekësor, ndërsa i dyshuar dërgohet në mbajtje për 48 orë, shkruan InLajmi.
“Rruga ,,Enver Zymberi” Prishtinë, 19.12.2019 rreth orës 23:40 Në një lokal ka ndodhur një rast plagosje me armë zjarri. Njësitet relevante policore kanë dal në vendin e ngjarjes. I plagosuri është dërguar në QKUK për tretman mjekësor. Dyshohet se deri tek plagosja ka ardhur pasi një fjalosjeje (zënke) mes disa të rinjve. I plagosuri deklaron se është lënduar aksidentalisht vet-plagosur. Policia ka konfiskuar një armë, ka intervistuar të dyshuar dhe dëshmitarë. Me aktvendim të prokurorit një i dyshuar dërgohet në mbajtje për 48 orë” thuhet në raport./InLajmi
