Kryetja e Bordit të Telekomit, Besa Shatri-Berisha, ka folur për plagosjen e punonjësit të Telekomit mbrëmë në një kafeteri në Prishtinë, shkruan Insajderi.
Shatri-Berisha ka thënë se Ramaj nuk është truproje as shofer i saj ndërsa ka shtuar se nuk ka njohuri për rastin në fjalë.
“Por në asnjë moment rasti në fjalë nuk ndërlidhet me punën në Telekomin e Kosovës. Unë si drejtoresh e Bordit të Drejtorëve të Telekomit distancohem nga çdo veprim dhe tentim që të ndërlidhet dhe përflitet emri im me këtë rast sikur kërkoj hetime nga organet e rendit dhe kujdes nga media që mos të përmendem për diçka që aspak nuk ka të bëjë me mua dhe punën time në Telekomin e Kosovës”, ka deklaruar ajo, transmeton Insajderi.
Mbrëmë Shaban Ramaj, është plagosur në një kafeteri në Prishtinë. Insajderi ka raportuar se i njëjti është mik i deputetit të AAK-së, Bekë Berishës.
