Deputeti i Lëvizjes Vetëvendosje, Haki Abazi e ka quajtur kryeministrin e Shqipërisë, Olig-Rama pasi ju dorëzojë Shqipërinë oligarkëve dhe tani po ja dorëzon mini-Schengen-it të Vuçic për ta realizuar ndarjen dhe izolimin e Kosovës.
Përmes një postimi në llogarinë e tij në Facebook, Abazi ka thënë se kjo po bëhet për ta realizuar ndarjen dhe izolimin e Kosovës, shkruan InLajmi.
Postimi i plotë i tij:
“Olig-Rama është fatkeqësia e Shqiptarëve, është tërmeti njerëzor që po i tund themelet e Shqipërisë dhe shqiptarëve në kohën kur zhvillimi dhe drejtimi i rrugëtimit tonë duhet të kishte vetem një destinacion. Rruga për Berlin, Bruksel, Londër dhe Washington DC nuk kalon nëpër Beograd. Fillimisht Rama ju dorëzoi Shqipërinë oligarkëve dhe tani po ja dorëzon mini-Schengen-it të Vuçic për ta realizuar ndarjen dhe izolimin e Kosovës, atë që Thaçi deshi ta bëjë por nuk u lejua. Kujt i kanë borxh ndarjen e Kosovës? Pse po i ngutet Ramës kaq fort ashtu siq i ngutej Thaçit dikur. Ekziston vetem një Schengen dhe asnjë tjetër”, ka shkruar Abazi./InLajmi
