Asociacioni i Gazetarëve të Kosovës ka kërkuar nga kryeministri Haradinaj që të shkarkohet ministri i Tregtisë dhe Industrisë, Endrit Shala pas publikimit të pamjeve ku shihet se si e ka sulmuar gazetarin, Ensar Ramadani.
“Këto pamje dëshmojnë se si një person që përfaqëson institucionet e shtetit, pa frikë godet gazetarin. Një person i tillë nuk meriton të jetë pjesë e institucioneve të Kosovës, aq më pak përfaqësues i popullit”, thuhet në një njoftim për media, shkruan InLajmi.
Për këtë kërkohet edhe nga kreu i Nismës Socialdemokrate, Fatmir Limaj të distancohet nga ky verpim I Shalës, ku AGK vlerëson se pas publikimit të kësaj videoje cdo gjë është e qartë dhe se drejtësia duhet të veprojë sa më parë.
“Sjellja e ministrit karshi gazetarit i cili po kryente detyrën e tij, për AGK është e papranueshme dhe e patolerueshme. Situata bëhet edhe më e rëndë kur Shala, një ditë para se të publikoheshin këto pamje, kishte deklaruar se nuk e ka goditur gazetarin Ramadani’, thuhet tutje në njoftim.
AGK kërkon nga Shala, që të kërkoj falje publike, të pranojë fajësinë dhe në të njëjtën kohë nuk mjaftohet vetëm me një intervistim të tij nga ana e prokurorisë.
“Në të kundërtën fton të gjithë kolegët gazetarë që të bojkotojnë punën e tij derisa ndaj këtij akti të merren masa konkrete nga autoritet përkatëse”, thuhet në njoftimin e AGK-së./InLajmi/
