Analisti politik, Faton Mehmeti, ka komentuar vizitën e dy anëtarëve të Bundestagut gjerman, Peter Beyer dhe Christian Schmidt në Kosovë, si dhe mesazhin e tyre për LDK-në dhe VV-në.
Mehmeti ka thënë se mesazhi i Beyer dhe Schmidt është arritja e sa më shpejt e një marrëveshje ndërmjet LDK-së dhe VV-së.
“Mesazhi i përfaqësuesve të Bundestagut është që të arrihet sa më parë marrëveshja, nëse kjo s’do të ndodh atëherë do të futen direkt në arritjen e koalicionit. Nëse futen direkt në marrëveshje përfaqësuesit ndërkombëtar do të vijnë me zarf në xhep me emrin e njeriut për president, duke i sjellë para aktit të kryer VV dhe LDK”, ka thënë ai.
Gjithashtu, Mehmeti ka shtuar se këto dy parti duhet që të arrijnë marrëveshjen në mënyrë që ta dëshmojnë pjekurin e tyre politike, shkruan Bota sot.
“Këto dy parti duhet të arrijnë marrëveshje pa ndërhyrë ndërkombëtarë, duke dëshmuar pjekur politike, deri ndërhyrja e të huajve sikur e zbeh arritjen e koalicionit, që mund edhe ta shoqëroj atë me përplasje. Koalicioni s’duhet të arrihet me ” dhunë”, por me pajtim dhe pa detyrim, qe të jetë sa më i suksesshëm”, ka përfunduar Mehmeti.
