Pas një muaji do të merret vendimi për kompensimin e orëve të humbura gjatë kohës kur mësimdhënësit ishin në grevë, kështu është vendosur në Gjykatën Themelore në Prishtinë që u mbajt për vendimin e Ministrisë së Arsimit që detyron kompensimin e orëve të humbura gjatë vitit shkollor 2018-2019.
Në seancë e pranishme ishte Sindikata e Arsimit në rolin e paditëses, ndërsa Ministria e Arsimit që është paditur për këtë rast nuk pati përfaqësues në këtë takim e që do të duhej t’i kishte zyrtarë nga Avokati i Popullit.
Megjithatë zyrtari ligjor i SBASHK-ut kërkoi që vendimi për kompensim ligjor të anulohet në tërësi si i pabazuar në ligj.
Në këtë shkallë këto palë erdhën pasi që Gjykata e Apelit kishte miratuar ankesën e sindikalistëve për moskompensim të orëve, shkruan Klan Kosova.
Kështu ky organ pati vendosur se lënda duhet t’i kthehet gjykatës së shkallës së parë për rigjykim dhe rivendosje.
