Deputeti i Lëvizjes Vetëvendosje, Dimal Basha përmes një postimi në Facebook ka thënë se marrëveshja për formimin e qeverisë në mes LVV-së e LDK-së është arritur, por po mbahet pengë për shkak të këmbënguljes për kryeparlamentarin dhe postin e presidentit, shkruan InLajmi.
Ai ka thënë se qytetarët duhet ta dinë se LVV e LDK kanë arritur marrëveshje për programin dhe ndarjen e përgjegjësive në qeveri dhe menjëherë pas konstituimit mundemi me votu qeverinë.
Postimi i plotë:
“Çka ka rëndësi me kuptu është fakti se marrëveshja për QEVERI është arrit.
Pra, duhet ta dijë secili qytetarë që LDK dhe LV kanë marrëveshje për programin dhe ndarjen e përgjegjësive në qeveri, dhe menjëherë pas konstituimit mundemi me votu qeverinë.
Arsyeja pse po mbahet peng komplet marrëveshja për qeverinë është këmbëngulja për kryeparlamentarin dhe sidomos për postin e Presidentit, diçka që ne, vet z. Mustafa, por edhe znj. Osmani si kandidate për Kryeministre, e kemi thënë që nuk do të jetë pjesë e pazareve pas zgjedhjeve, por me marrëveshje dhe kur t’i vie koha.
Qytetarët kanë kry obligimin e vet, tash presin që ne me fillu me qeverisë, dhe presin ndryshimin e madh ku ju kthehet dinjiteti dhe shpresa.
Z. Mustafa, nuk besoj që është e sinqertë me mbajt peng fatin e 1.8 milion qytetarëve për shkak të një posti”, ka shkruar Basha./InLajmi/
