18 Dhjetori është dita e 352-të e kalendarit gregorian (dita e 353-të në vitin e brishtë) – kështu që deri në fund të vitit kanë mbetur edhe 13 ditë.
Ngjarje
1495 – Vdiq Alfonsi II, i njohur si Alfonsi i Aragonës, Duka i Kalabrisë, mbreti i Napolit, mbrojtës i poetëve të Rilindjes italiane, djali më i madh i Ferdinandit të Napolit; më 1460, Ferdinandi u mund keq nga rivalët Anzhuinë, por triumfoi pasi në ndihmë i erdhi Skënderbeu. Ky gjest la gjurmë tek Alfonsin 20 vjeçar, i cili kur u bë mbret më 1494 dhe arbërit kishin mbetur pa vatër, ai përkrahu personalisht familjen e Kastriotëve në mërgim; tregoi kujdes të veçantë për një stërnip të Skënderbeut, duke i dhënë disa zotërime në rajonin e Pulias, Kalabri, që do të bëheshin më pas qendra banimi arbëreshe në Itali.
1863 – Në Grac të Austrisë lind Franz Ferdinand, princi mbretëror i Hungarisë dhe i Bohemisë. Nga viti 1889 deri në vdekje, ai ishte, princ trashëgimtar i fronit austro-hungarez. Vrasja e tij me atentat në Sarajevë më 28 qershor 1914, u bë shkak që Austro – Hungaria t’i shpallte luftë Serbisë, ndërsa Fuqitë Qendrore dhe Fuqitë Aleate t’i shpallnin luftë njëra-tjetrës, duke ndezur Luftën e Parë Botërore.
1981 – Shqipëri: Një komunikatë zyrtare e lëshuar nga presidiumi i Kuvendit popullor dhe Këshilli i Ministrave njofton se kryeministri Mehmet Shehu, 68 vjeç, kishte vrarë veten një natë më parë “gjatë një krize nervore”. Hollësi të tjera nuk pasuan; zi kombëtare nuk do të kishte, as funeral shtetëror. Pas një viti heshtje – gjatë së cilës e gjithë familja e të afërmit dhe bashkëpuntorët e ngushtë të Shehut u vranë, burgosën, internuan – më 10 nëntor 1982, Enver Hoxha deklaroi se “ekzistojnë fakte të pakundërshtueshme” (të cilat ai nuk i paraqiti), se Mehmet Shehu ishte një nga “tradhtarët dhe armiqtë” më të rrezikshëm të vendit, dhe që prej Luftës së dytë Botërore, agjent i shërbimeve informative amerikane, jugosllave e sovjetike. Pak ditë pas kësaj deklarate, Ramiz Alia shpallet Kryetar i Presidiumit të Kuvendit Popullor, duke nxjerrë në pension Haxhi Lleshin, ndërsa Adil Çarçani, ishte caktuar muaj më parë si kryeministër.
218 BC – Lufta e Dytë Punike: Beteja e Trebias – Forcat e Hanibalit mundën forcat e Perandorisë Romake.
1271 – Kublai Khan e riemëroi perandorinë e tij Juan, duke shënuar zyrtarisht fillimin e dinastisë Juan në Mongoli dhe në Kinë.
1622 –Forcat portugeze arriën fitore ushtarake ndaj Mbretërise së Kongës në Betejën e Mbumbt në Angolën e sotme.
1655 – Konferenca e Uajthollit përfundoi me vendimin që nuk ekziston ndonjë ligj që i ndalon hebrejtë për të tyrë në Angli pas Dekretit të Dëbimit të vitit 1290.
1777 –SHBA festuan të parën Thanksgiving, duke shënuar fiotren e amerikanëve ndaj Gjeneralit John Burgoyne në Betejën e Saratogës në tetor.
1787 – New Jersey bëhet shteti i tretë që ratifikon Kushtetutën e SHBA.
1865 – Sekretari Amerikan i Shtetit shpalli Amendamentin e Trembëdhjetë që e ndalon skllavërinë në SHBA.
1916 –Lufta e Parë Botërore: Beteja e Verdunit përfundoi kur forcat gjermane nën komandën e Erich von Falkenhayn u mundën nga francezët duke pësuar humbje të mëdha në njerëz.
1939 – Lufta e Dytë Botërore: U zhvillua Beteja e Heligoland Bight, beteja e parë e madhe ajrore e luftës.
1944 – Lufta e Dytë Botërore: 77 avionë B-29 deh 200 avionë të tjerë të Forcës së 14 Ajrore të SHBA bombarduan Hankovin në Kinë, një bazë furnizimesh japoneze.
Lindje
1878 – Josif Stalin, politikan rus
1913 – Willy Brandt,politikan gjerman dhe kancelar i Gjermanisë nga 1969. deri 1974.
1980 – Christina Aguilera ,këngëtare Americane
Vdekje
1737 – Antonio Stradivari, prodhues italian e violinave .
1803 – Johann Gottfried Herder, letrar gjerman
1980 – Dobriša Cesariq, shkrimtar kroat
1981 – Vrau veten kryeministri i Shqipërisë, Mehmet Shehu
2013 – Fatos Sela aktor i teatrit
