Këshilli i Përgjithshëm i Lidhjes Demokratike të Kosovës do të mblidhet të mërkurën ku do të diskutohet për ecurinë e bisedimeve me Lëvizjen Vetëvendosjen.
Kjo mbledhje është paraparë të mbahet të mërkurën me 14:30.
Derisa ende nuk është finalizuar marrëveshja për bashkëqeverisje ndërmjet Lëvizjes Vetëvendosje dhe Lidhjes Demokratike të Kosovës, kryesisht për shkak të postit të presidentit, në media janë përmendur disa mënyra se si mund të ndahet postet ministrore në qeverisjen e mundshme ndërmjet këtyre dy partive, shkruan Telegrafi.
Kryetari i Pejës dhe anëtari i Kryesisë së LDK-së, Gazmend Muhaxheri ka konfirmuar se kjo parti do të ketë në udhëheqje Ministrinë e Punëve të Brendshme, Ministrinë e FSK-së, Ministrinë e Arsimit, Ministrinë e Bujqësisë dhe Ministrinë e Planifikimit Hapësinor dhe Infrastrukturës.
