Reper i mirënjohur për publikun shqiptar, Mc Kresha para pak ditësh ka kurorëzuar martesën me partneren e tij, Erzinën, ku këto ditë ka qenë vëmendja vetëm tek dasma e tyre, madje thuhet se ata po presin të bëhen prindër.
Por, para lidhjes së reperit me bukuroshen Erzina, kujtojmë se reperi ka qenë në lidhje dashurie vite më parë me këngëtaren Rozana Radi, ku edhe e patën pranuar publikisht dashurinë e tyre në “Kënga Magjike” të cilët njëkohësisht konkurronin me këngen “Jaba daba du”
Pas ndarjes me Kreshën, Rozana nisi një lidhje të re me oficerin e Policisë Gjyqësore të Tiranës, Shpëtim Karakushin.
Vazhdimisht nëpër intervista ajo ka treguar se ka gjetur dashurinë dhe është shumë e lumtur me partnerin e saj dhe nëse po vrisnit mendjen si e ka përjetuar këngëtarja dasmën e ish-it, Rozana na e ka shuar kuriozitetin të gjithëve.
Ajo ka publikuar në InstaStory një foto të sajën, hashtag-u i së cilës na tërhoqi vëmendjen.
“Çmendurisht në dashuri”- shkruan Rozana krahas fotos, ndërsa ne po mendojmë se mund të jetë një “diss”, i cili vjen pikërisht një ditë pas dasmës.
Mesa duket, Rozana kërkon të tregojë se është shumë e lumtur dhe nuk i intereson se ç’bëhet me të shkuarën e saj.
Rozana dhe Mc Kresha nuk folën kurrë për ndarjen e tyre, ndërsa tashmë duket se kanë vazhduar të lumtur drejtime të ndryshme në jetë.
Kresha kurorëzoi dashurinë me Erzinën, ndërsa Rozana vazhdon marrëdhënien e saj me Shpëtimin, marrëdhënie të cilën mundohet ta mbajë sa më larg syrit të mediave.
