Babadimri është figurë legjendare dhe tradicionale e Krishtlindjeve, që u sjell fëmijëve dhurata.
Imazhi i famshëm bazohet në traditat që ndërlidhen me Shën Nikolasin, një shenjtor katolik i shekullit të 4-të.
Gjermanët janë meritorët për transportimin e legjendës së Shën Nikolasit (Sinterklaas) në New Amsterdam (tani qyteti që e njohim si New York City), bashkë me traditën e shpërndarjes së dhuratave dhe ëmbëlsirave për fëmijët.
Përshkrimi aktual i Babadimrit bazohet në imazhet e karikaturistit Thomas Nast në vitin 1863.
Imazhi është definuar edhe më hollësisht nga reklamat e popullarizuara të krijuara për kompaninë “Coca-Cola” në vitin 1931 nga ilustratori Haddon Sundblum.
Ky i fundit ilustruar Babadimrin si një xhentëlmen të shëndoshë, të veshur me të kuqe, me një rrip të zi, me mjekër të bardhë e të gjatë, dhe me një kapuç të butë me ngjyrë të kuqe.
Babadimri thuhet se jeton në Polin e Veriut me gruan e tij, ku e kalon vitin duke bërë lodra me ndihmën e elfëve të tij.
Atje ai pranon letra nga fëmijët të cilët kërkojnë dhurata për Krishtlindje.
Në vigjilje të Krishtlindjeve ai e ngarkon me lodra sajën e tërhequr nga tetë drerë dhe fluturon rreth botës duke u ndalur në shtëpinë e secilit fëmijë, ku zbret në shtëpitë e tyre përmes oxhakut dhe i lë dhuratat, ndërkohë që freskohet me qumësht dhe biskota të cilat ia lënë aty fëmijët.
