Kryetari i LDK-së, Isa Mustafa ka folur për koalicionin me VV-në, ku tha se edhe partia e tij ka dëshirë që marrëveshja të kryhet nesër, dhe se janë duke u përpjekur që të arrihet.
“Edhe ne kemi dëshirë me u kry nesër në mëngjes, po bëjmë përpjekje”, deklaroi kreu i LDK-së.
Mustafa ka konfirmuar gjithashtu se sot nuk do të takohet me Albin Kurtin.
“Sot skemi takim me VV, kemi takime tona”, ka thënë ai, shkruan Gazeta Blic.
Takimi i fundit në mes të dy liderëve ishte të shtunën, derisa zgjati më shumë se tre orë. Mirëpo, as ky takim nuk shënoi asnjë progres në bisedimet në mes të Lëvizjes Vetëvendosje dhe Lidhjes Demokratike të Kosovës, parti që po synojnë së bashku krijimin e koalicionit qeverisës.
