Kryetari i Komunës së Prishtinës, Shpend Ahmeti, përmes një postimi të bërë në llogarinë e tij në Facebook ka njoftuar se kryeqytetit po i shtohet edhe një çerdhe.
Punimet në ndërtimin e objektit të çerdhes me bazë në komunitet në lagjen “Kalabria” janë duke u zhvilluar sipas planit dinamik dhe ato janë afër përfundimit, shkroi Ahmeti.
Njoftimi i tij i plotë:
Të ndërtojmë një shoqëri, ku çdo fëmi mund të bëhet çka ëndërron dhe ku çdokush mund të rritet dhe jetojë me dinjitet!
Investimi në edukimin e hershëm është vendimi më i duhur për të siguruar një ardhme më të mire për fëmijët tanë dhe për të siguruar një shoqëri të shëndoshë.
Ndërsa, modeli i çerdheve me bazë në komunitet është mënyra më e mirë e gjithëpërfshirjes së prindërve në edukimin e fëmijëve.
Punimet në ndërtimin e objektit të çerdhes me bazë në komunitet në lagjen “Kalabria” po zhvillohen sipas planit dinamik dhe janë pranë përfundimit.
Kjo çerdhe po financohet nga European Union Kosovo /Bashkimi Evropian dhe ka kapacitet për akomodimin e 100 fëmijëve të kësaj lagje./InLajmi
