Është hapur në Hamburg të Gjermanisë Konsullata e Përgjithshme e Kosovës e cila është e pesta me radhë që Kosova e hap në shtetin gjerman.
Ministri i Jashtëm në detyrë, Behgjet Pacolli, thotë se kjo konsultë është aleati strategjik i vendit tonë në Evropë.
Postimi i tij i plotë:
“Këtë mbrëmje inauguruam në Hamburg Konsullatën e Përgjithshme të Kosovës që do të promovojë marrëdhënie më të forta me veriun e Gjermanisë, do të forcojë tregtinë dhe shkëmbimet ekonomike, si dhe do t’i shërbejë më mirë diasporës sonë që jeton në veri të Gjermanisë. Kjo është Konsullata pestë e Përgjithshme e Kosovës në Gjermani, aleati ynë strategjik në Evropë. Jemi prezentë në shumicën e vendeve të rëndësishme në Evropë dhe në të gjitha rajonet nëpër botë. Kjo paraqet një Kosovë më të fuqishme globale që angazhohet me miq e partnerë”, shkroi Pacolli në Twitter. /InLajmi
