Kandidatja për kryeministre, Vjosa Osmani ka reaguar për fotografinë teksa regjistrimin si deputete në Kuvendin e Kosovës e bën bashkë me Albin Kurtin.
Përmes një postimi në llogarinë e saj në Facebook, ajo ka thënë se kjo nuk ishte një mesazh politk por thjesht një koincidencë.
Ajo thotë të ketë shkuar të regjistrohet në kohën që i është sugjeruar nga administrata e Kuvendit .
Sipas saj, mesazhet politike për partinë që ajo do t’i japë, i bën të qarta brenda organeve vendimmarrëse të tyre e jo nëpërmjet fotografive
Postimi i plotë:
“Po e shoh që media të caktuara po tentojnë që regjistrimin tim si deputete në Kuvendin e Kosovës ta përkthejnë si mesazh politik.
Po e sqaroj që nuk ishte mesazh politik por thjeshtë një koincidencë. Unë kam shkuar të regjistrohem në kohën që më është sugjeruar nga administrata e Kuvendit meqë më herët isha jashtë vendit. Pra ishte çështje administrative e jo politike.
Mesazhet politike për partinë time unë i bëjë të qarta përbrenda organeve tona vendimmarrëse dhe as nëpërmjet fotografive e as në mënyrë të tërthortë. Qëndrimet tona politike janë ndërtuar me përkrahjen unanime të organeve të LDK-së”, shkroi Osmani./InLajmi
