Komisioni Qendror Zgjedhor sot ka publikuar raportet financiare që partitë politike kanë shpenzuar gjatë fushatës së zgjedhjeve të fundit që janë mbajtur me 6 tetor.
Sipas raporteve të publikuara, partia që ka shpenzuar më së shumti ka dalur LDK-ja me gjithsej 730,146,87 euro, pastaj LVV me 451,979,85 euro, ndërsa e treat del të jetë koalicioni mes AAK-së dhe PSD-së me 346,544,15 euro, PDK për fushatë zgjedhore ka shpenzuar 316,346,32 euro, Lista Serbe 26,652,31 euro, ndërsa koalicioni Nisma-AKR-PD ka shpenzuar 115,863,80 euro.
Shpenzimet e partive politike që kanë siguruar ulëse në legjislaturën e shtatë të Kuvendit të Kosovës:
Lëvizja Vetëvendosje 451,979.85
Lidhja Demokratike e Kosovës 730,146.87
Partia Demokratike e Kosovës 316,346,32
AAK-PSD 346,544,15
Nisma-AKR-PD 115,863,80
SRPSKA LISTA 26,652.31
Kujtojmë se zgjedhjet janë mbajtur më 6 tetor dhe partia e parë nga këto zgjedhje ka dalë Lëvizja Vetëvendosje, e pasuar nga LDK. Partia e tretë ka dalë PDK, ndërsa e katërta AAK-PSD. Në vendin e pestë është renditur Lista Serbe, kurse koalicioni Nisma-AKR-PD në vendin e gjashtë, shkruan Indeksonline.
Kuvendi i ri i Kosovës nuk është konstituuar ende, pasi ndërkohë vazhdojnë bisedimet për arritjen e marrëveshjes ndërmjet Lëvizjes Vetëvendosje dhe Lidhjes Demokratike të Kosovës.
