Interi edhe pse i kishte të gjitha mundësitë që të fitonte ndaj Barcelonës që kishte pushuar pothuajse të gjithë ekipin e parë, në fund u dorëzuan me rezultat 2-1 në shtëpinë e tyre.
Zikaltërit e nisën ndeshjen shumë mirë duke rrezikuar disa herë në fillim me dyshen Romelu Lukaku dhe Lautaro Martinez.
Goli i parë në ndeshje erdhi në minutën e 22-të.
Arturo Vidal pason te Carles Perez i cili shënon një gol të bukur për 1-0.
Por përgjigja e Interit erdhi në minutën e fundit të kohës së rregullt të pjesës së parë, ku Romelu Lukaku shënoi për 1-1.
Me këtë gol u mbyll edhe pjesa e parë.
Në pjesën e dytë, Interi e rriti ritmin dhe bëri disa ndërhyrje në formacion.
Interit krijoi një mori rastesh, por që dështuan të shënonin.
Kur pritje që Interi të bënte më shumë në skenë doli i riu Ansu Fati, i cili me një kombinim të bukur me Luis Suarez, gjuan fuqishëm dhe shënon për 2-1, shkruan telegrafi.
Me këtë rezultat u mbyll edhe ndeshja dhe Barcelona me 14 pikë është në krye të grupit, ndërsa Interi me shtatë sosh në vendin e tretë dhe do të kalojë në Ligën e Evropës.
