Zëdhënësja e Policisë së Kosovës për InLajmin tregoj se sot janë arrestuar dy persona të cilët janë të përfshirë në një vjedhje të rëndë. Rasti kishte ndodhur me datë 12.11.2019, lagjen Emshir në Prishtinë.
“Nga hetuesit policor të Njësitit të Hetimeve të Përgjithshme në Prishtinë, sot janë arrestuar dy persona, për të cilin ekziston dyshimi i arsyeshëm të jenë të përfshirë në një rast të vjedhjes së rëndë.
Rasti ka ndodhur me datën 12.11.2019 në lagjen Emshir, në Prishtinë, saktësisht në një dyqan, ku janë vjedhur pajisje medicinale në vlerë 40.000 euro”, tha Ahmeti.
Ajo më tutje shtoi se personat e dyshuar janë në mbajtje, aktualisht janë në arrati.
“Personat e dyshuar pas arrestimit me autorizim të prokurorit janë dërguar në mbajtje, ndërkohë që hetuesit policor po punojnë në kapjen e personit të tretë të dyshuar, i cili është identifikuar nga ana e policisë dhe aktualisht ndodhet në arrati”, tha ajo.
“Hetuesit policor në kuadër të këtij aksioni, ka kryer tri bastisje ne tri lokacione ku ka gjetur dhe sekuestruar një numër të madh të pajisjeve medicinale , 1 karikator, te armës AK 47, 76 fishekë etj. Ky operacion është kryer në koordinim me prokurorinë përkatëse dhe gjyqtarin e procedurës parapake”, përfundoi Ahmeti.
