Ish-deputeti Frashër Krasniqi ka komentuar takimin e anëtarëve të Lëvizjes Vetëvendosje me Marko Gjuriq.
Përmes një postimi në llogarinë e tij në Facebook, Krasniqi i cili dikur ishte pjesë Vetëvendosjes, tani në PSD ka thënë se po të ndodhte takimi me këdo jashtë VV-së do të cilësohej si tradhti kombëtare e shitje e Kosovës.
“Ashtu qysh sot po e arsyetojnë takimin nëpër kafe me Gjuriqin – i cili po të ndodhte me këdo jashtë VV-së do të cilësohej si tradhti kombëtare e shitje e Kosovës, ashtu nesër do ta arsyetojnë ri-kapjen e shtetit, keq-qeverisjen dhe autoritarizmin e tyre”, thotë Krasniqi.
Krasniqi ka thënë se ‘demaskimi i këtyre hipokritëve po ndodh më shpejt se ç’pritej.
“Sepse ky është morali hipokrit popullist: çkado që bëjnë ata është në “interes të popullit”, çka do që bëjnë të tjerët është “tradhti ndaj popullit””, ka shkruar Krasniqi./InLajmi
