Kryeministri i Kosovës në detyrë, Ramush Haradianj, ka mbajtur konferencë për media lidhur me ndihmën që Kosova i dha Shqipërisë pas tërmetit tragjik që i mori jetën 51 personave.
Haradinaj ka falënderuar gjithë ata që i dolën në ndihmë shtetit shqiptar duke filluar nga Forca e Sigurisë së Kosovës, Policisë, Zjarrfikësit, institucionet politike, shoqatat dhe organizatat humanitare dhe qytetarët e Kosovës.
“Zemërgjerësi e qytetarëve të Kosovës na ka befasu”, ka thënë Haradinaj.
Sipas kryeministrit në largim, tani pasi situata është qetësuar, po bëhet zhvendosja e të ardhurve nga Shqipëria në Kosovës.
Haradinaj ka thënë se kthimi duhet të bëhet në mënyre të dinjitetshme, andaj tha, se u ka shkruar kryetarëve të komunave që të ndihmojnë gjithë familjarët që kanë strehuar të prekur nga tërmeti për t’i ndihmuar sigurimin e transportit, shkruan Lajmi.
Tutje, ai ka thënë se Kosova do vazhdojë t’i ndihmojë Shqipërisë edhe pas tërmetit në çfarë do forme të kërkuar.
