Në mëngjesin e sotëm ka ndodhur një aksident i rënd komunikacioni në fshatin Gllarevë të Klinës, ku si pasojë ka humbur jetën një këmbësor i moshës 41 vjeçar.
Sipas njoftimit nga Policia e Kosovës, aksidenti ka ndodhur rreth orës 9:00. Në këtë aksident të përfshirë kanë qenë një mjet transportues kamionetë dhe një këmbësor.
“Viktima e rastit (këmbësori) i lindur me 1978, ka ndërruar jetë në vendin e ngjarjes, vdekjen e tij e ka konstatuar ekipi mjekësor. Vendit të ngjarjes iu kanë përgjigjur njësitet relevante të Drejtorisë Rajonale të Policisë në Pejë dhe Prokurori i shtetit. Me urdhër të Prokurorit të shtetit viktima dërgohet në Institutin e Mjekësisë Ligjore (IML) Prishtinë për Obduksion, ndërsa i dyshuari A.G i lindur me 1995 m/k/sh, dërgohet në mbajtje”, thuhet në njoftim.
Rasti është duke u hetuar nga hetuesit e Njësitit të Komunikacionit Rrugor të Drejtorisë Rajonale të Policisë në Pejë. /InLajmi
