Kreu i Këshillit Kombëtar të Nismës Socialdemokrate, Jakup Krasniqi, i është përgjigjur presidentit të Serbisë, Aleksander Vuçiq, për masakrën e Reçakut të cilin ai e quajti fabrikim ndërkaq ambasadorin William Walker hopshtapler e mashtrues.
Krasniqi përmes një reagimi ka thënë se përmes deklaratave të tilla, Vuçiq i mohon të gjitha krimet që ka kryer Serbia në Kosovë.
“Kur krimineli e ‘hoshtapleri’ Vuçiq e deklaron ketë për Reçakun, e sidomos për V. Walker-in, ai në fakt e mohon të gjitha krimet e gjenocidin e Serbisë në Kosovë. Ndërsa, ai në krahasim me Ambasadorin Walker, si njeri është shekuj drite prapa diplomatit njeri, mbase edhe nuk mund të krahasohet fare me asnjë njeri tjetër”, ka thënë ai.
Ai tutje ka shtuar se kjo gjuhë e Vuçiqit është në të njëjtit binarë me gjuhën dhe politiken millosheviqiane, shkruan Koha.
“Kjo gjuhë nuk len vend as për bisedime e as për marrëveshje, madje as që mund të bëhen ndonjë marrëveshje me te. Këtë gjuhë të “pisit” e kriminelit Vuçiq, duhet ta kenë zile në vesh secili qeveritar shqiptar (nga Kosova e Shqipëria) që ulen ne një tavolinë me te. Me kriminel e “hohshtapler” të tillë, si Vuçiqi nuk mund të ndërtohet as e sotmja e as e nesërmja e rajonit tonë”, ka shtuar ai.
