3 Dhjetori është dita e 337 e kalendarit gregorian (dita e 338 në vitin e brishtë) – kështu që deri në fund të vitit kanë mbetur edhe 28 ditë.
Ngjarje
1818 – Illinois bëhet shteti i 21-të i Shteteve të Bashkuara. Illinois, shteti i 5 më i populluar, citohet shpesh si një mikrokozmos i të gjithë vendit për nga zhvillimi dhe përbërja etnike. Edhe pse sot rrethi i Çikagos (në pjesën veriore të shtetit) është zona më e populluar, fillimisht banorët e parë, kryesisht evropianë dhe francezë-kanadezë, u vendosën në perëndim, përgjatë lumit Misisipi. Tre presidentë amerikanë kanë banuar në Illinois gjatë kohës së zgjedhjes: Abraham Lincoln, Ulysses S. Grant, dhe Barak Obama. Përveç kësaj, Ronald Reagan, karriera politike e të cilit u zhvillua në Kaliforni, është i vetmi president amerikan i lindur dhe rritur në shtetin Illinois. Sot, Illinois nderon Linkolnin me moton zyrtare, “Tokë e Linkolnit” (Land of Lincoln), e shfaqur në targat e makinave në këtë shtet që nga viti 1954. Muzeu dhe Biblioteka presidenciale Abraham Linkoln janë vendosur në Springfield, kryeqyteti i Illinois.Toponimi Illinois rrjedh nga fisi autokton Algonquian ose Inoca, emër që kolonët francezë e shqiptonin Ilinouek.
1910 – Ndriçimi me llampa neoni demostrohet për herë të parë nga francezi Georges Claude në një ekspozitë induistriale në Paris. Georges Claude – inxhinier dhe shpikës – ndonjëherë është quajtur “Edison e Francës”. Neoni është element kimik në formë gazi inert, komponent i vogël i atmosferës së Tokës. Ndriçimi me Neon u bë fenomen i rëndësishëm kulturor në mbarë botën që nga vitet 1940, kur pothuajse çdo qytet kryesor filloi të mbushej me shenja e reklama të ndriçuara me drita neoni.
1910 – Vdiq Mary Baker Eddy, themeluese e lëvizjes Shkenca e Krishtere; krijoi Kishën e Krishtit Shkencëtar, dhe shoqatën e botimeve të shkencës së krishterë e cila vazhdon të nxjerë një numër botimesh ditore e periodike, përfshi gazetën Christian Science Monitor. Në shkurt të vitit 1866, pas një rrëzimi në Lynn, Massachusetts, Mary Baker Eddy u dëmtua në shtyllën kurrizore; ajo mbeti e paralizuar, dhe iu drejtua Perëndisë për shërim. Mary tregon: “në ditën e tretë pas rrëzimit, mora Biblën, dhe e hapa atë në Mateu, 09:02; shërimi doli mbi kuptimin tim, papritmas u ngrita, u vesha vetë dhe fillova të ecë; që atëherë nuk kam gëzuar shëndet më të mirë. Kjo përvojë më bëri të kuptoj se jeta shpirtërore është realiteti i vetëm i ekzistencës.”
1912 – Bullgaria, Greqia, Mali i Zi, dhe Serbia (Lidhja Ballkanike) nënshkruajnë një armëpushim me Perandorinë Otomane, duke i dhënë fund Luftës së Parë Ballkanike e cila zgjati 2 muaj. .
1944 – Lufta Civile greke: Lufta shpërthen në Athinë mes të ELAS (Ushtria Çlirimtare e Popullit Grek) dhe forcave qeveritare. Në muajin mars, ELAS së bashku me EAM (krahu i armatosur i së majtës greke) kishin marrë në kontroll pjesën më të madhe të vendit, duke krijuar Komitetin Politik Nacional Çlirimtar, i njohur si “Qeveria Maleve”. Kjo luftë, është parë nga historianët si shumë e polarizuar mes të majtëve dhe të djathtëve, e cila filloi në vakuumin e pushtetit që krijoi pushtimi gjerman – italian gjatë Luftës së Dytë Botërore. Lufta civile greke përfundoi në vitin 1949 me fitoren e forcave qeveritare të mbështetur nga Britania dhe Shtetet e Bashkuara, ndërsa forcat komuniste përkraheshin nga Bullgaria, Jugosllavia dhe Shqipëria.
1800 – U zhvillua Beteja në Hohenlinden ku Austriakët u mundën.
1818 – Illinois bëhet shteti i 21-të i Shteteve të Bashkuara të Amerikës.
1917 – Pas gati 20 viteve planifikim dhe konstruktim hapet Quebec Bridge për trafik.
1973 – Programi Pioneer: Pioneer 10 emeton fotografitë e para nga afët të Jupiterit.
1992 – Dërgohet SMS-ja e parë në botë.
1999 – NASA humbë radio kontaktin me Mars Polar Lander pak momente para se anija të hynte në atmosferën e Marsit.
Lindje
1447 – Bajaziti i II, sulltan i perandorisë Osmane
1800 – France Presheren, shkrimtar dhe jurist slloven
1857 – Joseph Conrad, prozator anglez me prejardhje polake
1889 – Isak Samokovlija, letrar boshnjak
1924 – John Backus, shkencëtar amerikan i kompjuterizmit
1930 – Jean-Luc Godard, regjisor filmi franko-zviceran
1960 – Daryl Hannah, aktore amerikane
1976 – Semir Devoli, futbollist boshnjak
1968 – Brendan Fraser, aktor kanadez
1981 – David Villa, futbollist spanjoll
Vdekje
2000 – Gwendolyn Brooks, shkrimtare amerikane
2011 – Sabri Godo, politikan, shkrimtar dhe skenarist shqiptar. (l. 1929)
Festa dhe përvjetorë
Dita e OKB-së për personat me aftësi të kufizuara
