Avni Bytyçi, këshilltar i liderit të PDK-së, Kadri Veseli, ngjarjet e fundit politike i vlerëson se gjithçka është në dëm të shtetit, mosmarrëveshjet e shfaqura pas takimit ndërmjet liderëve të VV-së e LDK-së cilësohen si pazare partiake për Bytyçi.
Ai thotë se krerët e VV e LDK po grinden se kujt po i takon më shumë pushteti.
“Edhe këtu duhet të kuptohet që pushteti, dhe vetëm pushteti është paradigma e qeverisjes së tyre. Jo mirëqenia dhe e mira ekonomike e shtetit, e as drejtësia dhe lufta ndaj korrupsionit. Por interesat e ngushta partiake”, ka shkruar Bytyçi në rrjetin e tij social Facebook.
Postimi i tij i plotë:
Çka menduat? Se Albini edhe Isa janë duke debatuar mbi modelin ekonomik dhe social të shtetit? Apo ndonjë strategji që do ta ndryshonte Kosovën? “Koalicioni” Kurti-Mustafa nuk po arrin që të kalojnë as hapin e parë drejt qeverisjes së përbashkët. Ata po bëjnë pazare për interesa të ngushta të klaneve që përfaqësojnë. Ata po grinden se kujt po i takon më shumë pushtet. Edhe këtu duhet të kuptohet që pushteti, dhe vetëm pushteti është paradigma e qeverisjes së tyre. Jo mirëqenia dhe e mira ekonomike e shtetit, e as drejtësia dhe lufta ndaj korrupsionit. Por interesat e ngushta partiake. Atëherë si është e mundur që janë dakorduar 100% për platformën e qeverisjes pa i caktuar personat përgjegjës për zbatimin e saj. Siç duket, sfilatat e zyrtarëve të VV-së dhe LDK-së nga skutat e hoteleve, zyrave partiake e deri tek prania ilegale në Kuvend, paskan qenë thjeshtë maskaradë. Por i tillë ka qenë gjithmonë ky koalicion. I panatyrshëm, i pasinqertë dhe mashtrues për qytetarët! Për fat të keq, humbësit më të mëdhenj në këtë paaftësi janë qytetarët dhe shteti i Kosovës. /InLajmi
