Milot Rashica ka shkëlqyer në fitoren 3-2 të Werder Bremenit ndaj Wolfsburgut në Bundesligë.
Ylli shqiptar shënoi dy gola në këtë ballafaqim tejet të vështirë, duke ndikuar që skuadra e tij t’i marrë tri pikë në fund.
Fillimisht ylli vushtrrias shënoi në minutën e 13-të, e më pas duke festuar me shqiponjë në shenjë mbështetjeje të Shqipërisë që në këtë javë u godit nga një tërmet shkatërrues.
Rashica nuk u ndal me kaq dhe shënoi golin e fitore për Werderin në minutën e 83-të, e që pas ndeshjes bëri të ditur se të dy golat e tij shkojnë për Shqipërinë, transmeton telegrafi.
“Për Shqipërinë. Sërish në rrugën e fitores me Werder Bremenin”, ka shkruar ylli i Kosovës në llogarinë e tij në Twitter.
Për Shqipërinë ❤???? || Back on winning ways with @werderbremen ???? #MR7 #Bundesliga pic.twitter.com/7ndg9cjfL6
— Milotrashica (@milotrashica) December 1, 2019
