Kreu i qeverisë, Edi Rama ka deklaruar se zyrtarisht operacionet e kërkim shpëtimit janë ndërprerë dhe tashmë kemi zyrtarisht 50 jetë të humbura nga tërmeti tragjik i 26 nëntorit. Rama njoftoi se po përgatitet ligji, ku çdo kush që abuzon me lejet e ndërtimit do të dënohet nga 7-15 burg.
Kreu i qeverisë deklaroi se do të miratohet edhe një akt normativ i veçantë për një trajtim të posaçëm për familjet e mbijetuara nga tërmeti. Rama tha se pensionistët e familjeve të viktimave do të marrin pensionin e veçantë të Republikës së Shqipërisë, ndërsa fëmijët do të marrin një bursë mujore prej 15 mijë lekësh nga klasa e parë deri në vitin e fundit të Universitetit.
Kryeministri u shpreh se po bëhet një vlerësim për çdo qindarkë të dhuruar në ndihmë të të prekurve nga tërmeti duke qenë se pas rastit të arrestimit të një personi i cili nën emrin e tij abuzonte me ndihmat për tërmetin ka dyshime për një tjetër grabitje. Ai tha se do të monitorohen të gjithë fondet e dhuruara, për të nisur më pas shpërndarja e tyre, shqiptarja.com.
Rama tha se do të nisë programi i ndërtimit të banesave, ku të parat që do të ndërtohen janë banesat e të mbijetuarve nga tërmeti, ndërsa vlerësimi i pallateve të dëmtuara tashmë po bëhet nga ekspertë të huaj të cilët do të përgatisin raportin përfundimtar për ata që duhen shembur për t’u ndërtuar nga fillimi. Ai foli për një program rindërtimi që do të përfshijë jo vetëm pallatet dhe banesat e dëmtuara por edhe ambientet. Ai tha se inertet do të përdoren për të ndërtuar zona ekologjike.
Kryeministri Edi Rama në mbledhjen e jashtëzakonshme të qeverisë për pasojat e tërmetit- Për lajme të tjera klikoni në www.shqiptarja.com
Posted by Shqiptarja.com on Friday, November 29, 2019
