Presidenti i Shqipërisë Ilir Meta përveç vendeve që falenderoj për gadishmërinë për t’i dalur në ndihmë për të nxjerrur viktimat nga rrënajat e tërmetit ka falenduar edhe gazetarët ku i ka quajtur hero, shkruan InLajmi.
Përmes një shkrimi në Facebook, Meta ka thënë se gazetarët dhe mediat kanë dhënë kontribut të jashtëzakonshëm në ndihmë të banorëve të prekur nga pasojat e kësaj fatkeqësie tepër të rëndë.
“Falënderoj të gjithë gazetarët e terrenit, operatorët dhe stafet teknike mbështetëse për raportimin e saktë dhe në kohë reale ditë-natë, në kushte aspak të lehta, të situatës tepër të rëndë dhe të pasojave tragjike në jetë njerëzore dhe prona, që la pas tërmeti i tmerrshëm i 26 nëntorit. Me punën e tyre të palodhur, gazetarët dhe mediat kanë dhënë kontribut të jashtëzakonshëm në ndihmë të banorëve të prekur nga pasojat e kësaj fatkeqësie tepër të rëndë.
Duke i inkurajuar mediat të vazhdojnë të tregojnë seriozitet dhe përmbajtje maksimale në raportimin e lajmeve, me qëllim shmangien e informacioneve të paverifikuara, besoj se në kuadrin e kësaj gjendjeje të jashtëzakonshme, çdo pakujdesi si pasojë e nxitimit për dhënien e lajmit të fundit, të mos përdoret si pretekst për të sulmuar apo mbyllur media kritike. Gazetarët kanë qenë ndër heronjtë e vërtetë të këtyre ditëve dhe për këtë meritojnë një falënderim dhe mirënjohje të madhe”, ka shkruar Meta.
https://www.facebook.com/ilirmetazyrtar/posts/2645389005507356?__xts__%5B0%5D=68.ARCuXZVJMO2UaRnsjUYULc_KVAsAWX_rKUEhMQ8MTZYo-GkEE00xH2U3aA5V9b-yQR0-eDdxiQz-Rwcg179y0sHEJMmvXLyiyR31QBgS2DRhn63-P8CLTnkCvPtU6zk9zbaLg95tZxUGK1wXObYBgjEyN9qPH2ZfYsK_yrG0U9SfQHHXyXdpizPQblDgNZtUj7YdFTg4DBLt0aTsWa10gOkIZJZcSPnALrXX6B_das2DUxTPWf7vxk0zUxV44nzHUclqQRHryAFx-Nxxt-qC4XmdWuLlekK6hiOVXFUztiGvVb_ryoXaWrI-XdFESxirCEq6DhQbGWS57fgwlrFVN0yq&__tn__=-R
