Kryeministri në detyrë, Ramush Haradinaj ka vizituar familjen Abazi nga Livoçi i Gjilanit, për të ndarë me ta dhimbjen për humbjen tragjike të dy vëllezërve, Shemsedin dhe Isa Abazi, nga tërmeti që goditi Shqipërinë ditë më parë.
Haradinaj ka shkruar në rrjetin e tij social Facebook se institucionet e vendit do t’i qëndrojnë në krah familjes Abazi, në përballimin e kësaj humbjeje kaq të madhe.
“U qoftë i lehtë dheu i Kosovës, Shemsedin dhe Isa Abazi”, ka shkruar ai.
Postimi i tij i plotë:
Për ngushëllime në familjen Abazi nga Livoçi i Gjilanit, për të ndarë me ta dhimbjen për humbjen tragjike të dy vëllëzërve, Shemsedin dhe Isa Abazi, nga tërmeti që goditi Shqipërinë.
Institucionet e vendit do t’i qëndrojnë në krah familjes Abazi, në përballimin e kësaj humbjeje kaq të madhe.
U qoftë i lehtë dheu i Kosovës, Shemsedin dhe Isa Abazi!
