Nga familja Lala nën rrënoja janë gjetur të pajetë Marjeta Lala së bashku me tre fëmijët, Emilio Lalën, 6 vjeç dhe dy binjakët Enis dhe Dionisa Lala, më pak se 3 vjeç. E ndjera u gjet e përqafuar me të tre fëmijët e saj nën rrënoja të banesës. Po ashtu sot u jepet lamtumira Sahadetës, Ilirit, Griseldës, edhe Amalias. I vetmi i mbijetuar nga kjo familje është Ramë Lala i riu 17-vjeçar i cili shpëtoi falë lavatriçes, struktura metalike e të cilës e mbajti gjallë në rrënoja.
Në qytetin e Durrësit ka pllakosur heshtja e mortit. Të vetmit zëra që dëgjohen janë të qarat e të afërmve dhe kuja e vajtimoreve që po përcjellin trupa e 8 familjarëve Lala të cilët humbën jetën në tërmetin vdekjeprurës të 26 nëntorit.
8 anëtarët e familjes Lala do të përcillen sot në varreza nga qindra familjarë të afërm, e qytetarë të ndryshëm. Homazhet po zhvillohen në pallatin e Kulturës në Durrës, ndërsa varrimi do të bëhet në orën 11.00.
Sot iu jepet lamtumira Sahadetës, Ilirit, Marjetës, Griseldës, Amalias, Emiljos, Dionisës dhe Enisit. Familja Lala, me origjinë nga Dibra, por jetonte prej vitesh në qytetin bregdetar. Banesa e tyre u shemb dhe për rrjedhojë kanë humbur jetën tetë anëtarë të familjes. I vetmi i mbijetuar ishte Ramë Lala, 17-vjeçari i cili u arrit të nxirrej i gjallë nga grupet e shpëtimit. 17-vjeçari është dërguar ditën e djeshme në Itali për të marrë një ndihmë më të specializuar, raporton shqiptarja.com.
VIKTIMAT
Sahadete Lala 79 vjeç – (Gjyshja)
Djali i saj Ilir Lala, (i paralizuar) 52 vjeç i fundit qe u nxorr nga vila 4 kateshe në Kënete
Nëna Marjeta Lala, 31 vjeç me 4 fëmijët: Emilio Lala
Enis Lala 2 vjeç e Dionisa Lala 2 vjeç – binjakë
Amelia Lala 8 vjeç – Vila në Kënetë
Griselda Lala- 19-vjeç (Motra e Ramë Lalës që shpëtoi)
