Shënohet edhe një tjetër viktimë, duke e çuar numrin në 29, të të vdekurve nga tërmeti i fuqishëm që goditi Shqipërinë në orën 03:54 të ditës së martë. Një i ri me mbiemër Cuko dha shpirt ditën e sotme në Thumanë pas pritjes së gjatë prej 17 orësh nën rrënoja. Një foto e shkrepur nga Hektor Pustina i Associated Press, tregon momentin teksa ai shfaqet i buzëqeshur ndonëse e dinte se nuk kishte shpëtim.
Ai ka biseduar me trupat e shpëtimit, të cilët i vunë edhe një kokore në kokë për ta mbrojtur dhe më pas filluan punën të gërmonin për ta nxjerrë që aty, shkruan Gazeta Blic.
Megjithatë operacioni ka qenë tepër i vështirë dhe nuk kanë mundur të dalë jashtë nga rrënojat.“Më jepni një cigare. Gjysmën e trupit nuk e ndjej fare,”- mësohet të ketë thënë ai i buzëqeshur dhe vetëm pak sekonda më pas ka mbyllur sytë përjetë.
