Komuna e Drenasit përmes një njoftimi në Facebook ka njoftuar se kanë marrë vendim që t’i dërgohet Kuvendit Komunal propozim vendimin për ndarjne e mjeteve buxhetore në vlerë prej 10.000 eurove për të ndihmuar Shqipërinë për dëmet që i janë shkaktuar nga tërmeti.
Kjo komunë bën të ditur se ka marrur iniciativë bashkë me bizneset dhe ekonomitë familjare që të ndihmojnë Shqipërinë, duke i dërguar pako ushqimore, veshmbathje e gjëra të tjera elementar, ku kanë treguar qytetarët gatishmërinë që të strehojnë në shtëpitë e tyre familjet që janë prekur nga tërmeti.
“Për këtë çështje, Kryetari Ramiz Lladrovci ka marrë vendim për formimin e ekipit koordinues që do të përkujdeset për pranimin dhe dërgimin e ndihmave nga bizneset dhe qytetarët.
Kësaj iniciative të komunës, i janë bashkangjitur shumë qytetarë të tjerë, të cilët kanë treguar gatishmërinë që në shtëpitë, banesat e tyre, të strehojnë familjet që janë prekur nga tërmeti.
Të gjithë të interesuarit që kanë dëshirë dhe mundësi të ndihmojnë, mund të kontribuojnë duke u bërë pjesëmarrës në këtë aktivitet, që nesër, me datë 28.11.2019, nga ora 08:00 e mëngjesit, në oborrin e objektit të vjetër të komunës, të sjellin pako ushqimore dhe gjërat e tjera, që me mjet transportues kamionë, do të nisën për në Shqipëri, apo duke kontaktuar në numrin 049-978-948.
Më poshtë gjeni listën bizneseve që kanë ofruar produkte ushqimore, higjienike dhe veshmbathje në këto vlera financiare:
SHARRI SH.P.K- 4700 €
ATC SH.P.K – 1000 €
Ordinanca Beby- 1000 €
Barnatore Dea- 1000 €
Jora Center- 1000 €
Fer Petrol – 500 €
Aktiv- City Grill- 500 €
NT Nazifi- 500 €
Al Trade Holding – 500 €
Mjellma- 400 €
Hajdini Comerc- 300 €
Ibrahim Kurrumeli- 200 €
Haxhi Lladrovci- 200 €
Internistika – 200 €
Euromodel Sh.P.K 200 €
Loni Sh.P.K- 150 €
As Market- 150 €
Vëllezërit Shala- 150 €
Hotel “Nobel”- Ofron komplet hotelin për familjet në nevojë
AS HOTEL KOMORAN- Ofron hotelin në dispozicion për disa familje
ANA BENZ- Ofron hotelin për 120 persona për strehim
Agim Shala Graniti- 1 shtëpi me 13 dhoma në Golem
Selim Sylkaj- 3 shtëpi për familje si dhe 6 muaj shpenzimet për një familje
Ndërsa, për transportin e këtyre ndihmave do të kujdeset Doni Term, Progresi dhe autoshkolla “Instruktori” “, shkruan Komuna e Drenasit.
