Kryetari i Drenasit, Ramiz Lladrovci, ka thënë dhe ka sqaruar, se me gjithë respektin për profesionin, ai kurrë nuk ka qenë truprojë, siç është raportuar për një incizim ku ai shihet krah presidentit të tanishëm, Hashim Thaçi.
Lladrovci ka thënë se incizimi që është publikuar sot në media është shtrembëruar dhe se ka qenë bashkëdrejtuesi i zyrës së UÇK-së në Tiranë gjatë bombardimeve.
“Kurrë në jetë nuk kam qenë truproje, me gjithë respektin ndaj këtij profesioni. Një video e shkurtuar, e cila është emituar shumë herë dhe nuk është “e rrallë”, me qëllime manipulimi, lajmi është reduktuar me një mesazh shpifës, në një funksion që kurrë nuk kam qenë”, ka shkruar ai.
Ai po ashtu ka sqaruar se kur është bërë ai incizim.
“Rreth këtij incizimi, i cili është shkurtuar e manipuluar, theksoj: Ky incizim është bërë në kohën e Luftës çlirimtare, gjatë bombardimeve, ku unë jam në cilësi të bashkëdrejtuesit të Zyrës së UÇK-së në Tiranë, së bashku me mediat, kemi lëvizur me dy helikopterë gjatë vizitës në qendrat me refugjatë”./InLajmi
https://www.facebook.com/rlladrovci/posts/10218706021755703
