A i preferoni pamjet drithëruese të shtëpive te frikshme? Tani ka një atraksion të ri që është hapur për kërkuesit e emocioneve dhe turistët e guximshëm që ndodhen kudo.
Për një natë të vetme, ju mund të qëndroni në kalanë e Kontit Drakula në Transilvani dhe të flini në një arkivol dhe kjo është e gjitha absolutisht falas. Guida është njohësi më i thellë i vampirëve: Dacre Stoker dora vetë, nipi i Braham Stoker, autor i romanit “Drakula”.
Ai do t’ju drejtojë në skutat më të ethshme të kështjellës ku fle personazhi i romanit më të famshëm horror. Shtrati i Drakulës natyrisht nuk është një krevat: është një varr i vendosur në një dhomë të errët me drita qirinjsh që mund të fiken nga një vampir që është aty, edhe pse nuk duket.
Dhe meqë po hyni mysafir në shtëpinë e një vampiri, duhet të zbatoni rregullat e tij: Nuk ka hudhra me vete! Aq më pak stoli prej argjendi, që e dërrmojnë shpirtin e tij mizor. Për të mos flasim për simbole të shenjta.
Do të provoni eksperiencën e vërtetë, duke shkruar në një kalim sekret në katin e parë, shkallët e errëta dhe cepat e frikshme. Ai kalim ju çon në një dhomë ngrënieje të madhe, ku do të shijoni një vakt siç përshkruhet në libër.
Ju mund t’i eksploroni të 57 dhomat e rezidencës, por kujdes nga “të ftuarit e papritur”.
