Më 28 nëntor në Fushë Kosovë do të zbulohet shtatorja e heroit legjendar të Kosovës, Adem Jashari.
Me rastin e Ditës së Flamurit, daljes së parë të UÇK-së në skenë dhe datëlindjes së komandantit legjendar të UÇK-së, të enjten më datën 28 të muajit nëntor në Fushë Kosovë do të zbulohet shtatorja e Adem Jasharit.
Kjo është bërë e ditur përmes një postimi në rrjetin social në Facebook nga Xhevdet Qeriqi.
“Kam nderin t’ju njoftoj se më datë: 28.11.2019, duke filluar nga ora 14.00, në Fushë Kosovë do të zbulohet shtatorja e komandantit legjendar Adem Jashari. Prezenca e juaj do të na nderoj në këtë ditë të rëndësishme të kombit tonë. Kjo ngjarje organizohet duke kujtuar rëndësinë e datës 28 Nëntor për kombin shqiptar”, shkruan Qeriqi. /InLajmi
