Ajo kishte 6 vite të tëra që ishte larguar nga familja, 6 vite pa dëgjuar zërin e njëra tjetrës, nënë e bijë kanë shkëmbyer telefonatën e parë gjatë emisionit Pa Gjurmë, një telefonatë e pa zakontë.
Zogë Myrtaj e cila ishte denoncuar e zhdukur ka shkëmbyer një përshëndetje të ftohtë me nënën e saj, ajo ka fajësuar familjen se nuk kanë bërë asnjë përpjekje për të gjetur vendndodhjen e saj.
22-vjeçarja thotë se nuk do të ketë kontakte me asnjë prej familjarëve dhe se këta të fundit e dinin që nuk ishte e humbur.
Zoga e cila sot jeton në Tel Aviv, Izrael ku edhe është martuar dhe ka krijuar familjen e saj tha se nuk ia fal dot familjes që ende ruan kontakte me xhaxhanë.
“Ka shumë arsye pse nuk kontaktoj me familjen. Nuk dua të flas me ata fare. Kur nuk janë interesuar kur jam larguar të mos interesohem sa të jem gjallë. Unë kam familjen time, kam krijuar familjen time. Nuk i fal se nuk më kanë kërkuar që nga dita kur kam dalë nga shtëpia. Nuk më kanë marrë në telefon. Nuk dua të flas për të kaluarën. Xhaxhai ka dashur të më trafikojë. Të mos më kërkojnë më. Jam e martuar. Ata e dinë shumë mirë se unë nuk jam e humbur. Do ta mendoj njëherë. Nuk më kanë kërkuar që nga momenti kur kam ikur nga shtëpia. As më kanë shkolluar, as më kanë edukuar. Ata flisnin me xhaxhain. Çfarë janë këto gjëra. Qeshin kot me atë. Për mua nuk janë gjëra të falshme. Unë nuk jam fëmijë. Nuk mund të pranojë troç ajo që ne flasim me xhaxhanë. Unë do e kisha fal por të mos e kishte thënë atë. Është shumë e vështirë të falësh. Se kështu vriten njerëzit, vëllanë në burg, gocën e humbur. Nuk dua të ma përmendin xhaxhanë se do ia mbyll telefonin”, tregon Zoga, raporton Report TV.
