Grupet për të drejtat e kafshëve dhe Agjencia e Ushqimit dhe Veterinarisë e Kosovës kanë konfirmuar se kushtet ku po mbahet një luan në një restorant në Gjilan janë “të papranueshme” dhe jashtë premisave për mbajtjen e tij në kafaz.
Raportimet që një luan është duke u mbajtur në një kafaz jashtë një restoranti në Zhegër, një fshat në Komunën e Gjilanit të mërkurën, janë pritur me zemërim nga organizatat për të drejtat e kafshëve në Kosovë.
“Kjo kafshë e egër po mbahet në një kafaz shumë të vogël vetëm për të kënaqur njerëzit që s’kanë dhembshuri për kafshët”, tha OJQ-ja e Bashkuar për Kafshët në një deklaratë në Facebook.
“Jo vetëm që është çnjerëzore, por gjithashtu është e paligjshme.”
Asnjë informacion në lidhje me vendndodhjen e saktë të luanit, apo mirëqenien e tij, nuk është bërë publike deri tani.
Fondacioni i Kosovës për të Drejtat e Kafshëve gjithashtu iu përgjigj lajmeve, duke thënë se situata është “e papranueshme” dhe se po merr hapa për të ndihmuar luanin.
“Avokatët e Fondacionit për të Drejtat e Kafshëve do të rishikojnë ligjet në fuqi dhe ne do të veprojmë sa më shpejt të jetë e mundur në interesin më të mirë të luanit që mbahet atje në një kafaz të vogël”, thuhet në përgjigjen në Facebook, shkruan Prishtina Insight.
“Mbajtja e kafshëve në këtë mënyrë, importimi i tyre (ndoshta në mënyrë të paligjshme) tregon se sa i dobët është shteti në monitorimin dhe trajtimin e situatave të tilla”.
Fondacioni shpreson që situata të arrijë në vëmendjen e organizatave ndërkombëtare që veprojnë në Kosovë në mënyrë që të shpëtojnë luanin në mënyrë të sigurt.
Drejtori i Përgjithshëm i Fondacionit për të Drejtat e Kafshëve, Elza Ramadani, i tha Prishtina Insight se ka pasur raporte për kafshë të tjera të egra, përfshirë shimpanze, që ishin të pranishme në restorant.
“Ne kemi dëgjuar se kryetari i Gjilanit Lutfi Haziri dhe përfaqësues të tjerë të institucioneve morën pjesë në hapjen e restorantit dhe askush nuk reagoi ndaj kafshëve të robëruara”.
“Ne po mundohemi të mos reagojmë shumë emocionalisht dhe po punojmë me avokatët tanë për të hartuar planin më të mirë të veprimit me profesionalizëm, në mënyrë që të raportojmë situatën në gjykatat ose institucionet përkatëse”.
Ndryshimet në Kodin Penal të Kosovës që hynë në fuqi në prill 2019 penalizuan keqtrajtimin e kafshëve. Më parë, keqtrajtimi i kafshëve ishte një vepër civile e dënueshme me gjobë nga 100 deri në 5000 euro.
Keqtrajtimi i luanëve dhe kafshëve të tjera ekzotike është raportuar gjithashtu këtë vit në Shqipëri.
Në maj, tre luanë u shpëtuan nga një ‘kopsht zoologjik privat’ në qytetin e Fierit. Luanët, me emrin Lensi, Bobi dhe Zhak, u morën nga Shqipëria dhe u dërguan në Holandë për të marrë trajtimit për probleme të ndryshme fizike dhe të sjelljes me të cilat përballeshin. Zhak ngordhi nga dëmtimi i rëndë i organeve në korrik, si rezultat i keqtrajtimit me të cilin u përball, transmeton Klan Kosova.
Keqtrajtimi i arinjve dhe mbajtja e tyre si kafshë shtëpiake ka qenë një problem serioz në Kosovë. Në vitin 2013, Ministria e Mjedisit vendosi të fokusohet fenomenet e mbajtjes së “arinjve të restoranteve” në të gjithë vendin. Sipas OJQ-së Austriake Four Paës International, pronarët e restoranteve do të blinin arinjtë nga tregtarët e kafshëve për t’u përdorur si një tërheqje turistike, duke i mbyllur ato në kafaze jashtë restoranteve si një mënyrë për të tërhequr klientelë.
