Fondacioni Jahjaga i cili është një iniciativë e ish-Presidentes së Republikës së Kosovës, Atifete Jahjaga e angazhuar për të sjellë qasje të reja për angazhim efektiv dhe domethënës dhe përfaqësim të grupeve të margjinalizuara me interes të veçantë për gratë dhe të rinjtë në Kosovë, do të shfaqë filmin “Aurora Borealis” të regjisores hungareze Márta Mészáros, shkruan InLajmi.
Fondacioni në fjalë, në kuadër të javës së filmave hungarezë që organizohet nga Hungarian Embassy in Pristina, në bashkëpunim me Ambasadën do të shfaqë filmin “Aurora Borealis” të regjisores hungareze Márta Mészáros. Filmi trajton përjetimet e një gruaje të mbijetuar të dhunës seksuale në vitet 50, si dhe sfidat me të cilat përballen ajo dhe familja e saj si pasojë.
Filmi do të pasohet nga një panel diskutimi ku do të flasim për përshtypjet për filmin si dhe për dhunën seksuale në kontekstin e Kosovës.
Jahjaga Foundation ju mirëpret të martën , më 26 nëntor 2019 nga ora 19:00 në Kino ARMATA në Prishtinë./InLajmi
