Shoqata e Sigurimeve të Kosovës kanë thënë se për 18 vite kanë paguar 400 milion euro dëme të kompensuar duke pësuan 23,5 milionë euro humbje për 6 vite.
“Bazuar në të dhëna zyrtare të Bankës Qendrore të Kosovës (BQK), shihet shumë qartë se nga vitit 2002, e deri në fund të muajit shtator të këtij viti, shuma e dëmeve të kompensuar kalon shifrën mbi 400 milionë euro, shifër kjo më e lartë krahasuar me vendet e rajonit. Referuar të dhënave zyrtare Kosova ka numrin më të madh të automjeteve të pa siguruara se të gjitha shtetet e rajonit”, thuhet ne komunikatën e tyre.
“Por, gjatë gjithë këtyre viteve në total të gjitha kompanitë e sigurimit që operojnë në vendin tonë kanë arritur të humbin më shumë se 23,5 milionë euro, pra nëse e nxjerrim një mesatare nga viti 2002 e deri më tash të gjitha kompanitë e sigurimit që operojnë në vendin tonë gjatë çdo viti kanë humbur rreth 1,3 milionë euro. Përveç numrit në rritje të automjeteve të pa siguruara, numrit në rritje të aksidenteve, në bilancin negativ vjetor të kompanive të sigurimit kanë ndikuar edhe obligimet shtese që industria e sigurimit është dashur të paguaj ndaj shtetit, si asnjë korporatë tjetër në Kosovë.”.
Tutje, në komunikatën e tyre thuhet se kompanitë e sigurimit janë në gjendje të rëndë financiare, pasi që ka rritje ekstreme të aksidenteve në trafik.
“Kompanitë e sigurimit janë në gjendje të rendë financiare, pasi që ka rritje ekstreme të aksidenteve me lëndime të rënda, por edhe aksidenteve më lëndime të lehta. Kjo që ka ndodhur në vendin tonë nuk ka ndodhur në asnjë vend tjetër të rajonit, por edhe më larg. Ka rritje të konsiderueshme të dëmeve, polica e sigurimit e cila edhe më rritjen e fundit ka çminim më të lirë në rajon, deri sa ka një mbulueshmëri deri në një milionë euro, shumë kjo e barabartë me shtete të zhvilluara Evropiane”
“Industria e sigurimit në vendin tonë përpos rëndësisë ekonomiker që ka, luan edhe një rol të rëndësishëm në aspektin social, kur dihet se në të direkt dhe indirekt punësohen mbi 2700 punëtor në të gjitha komunat e vendit.”
Shoqata e KS ka thënë se tendenca për të dëmtuar industrinë e sigurimeve, ku më shumë se gjysma është me kapital të huaj, dëmton edhe imazhin e venditkarshi investitorëve të huaj.
“Tendenca për të dëmtuar industrinë e sigurimeve, ku më shumë se gjysma është me kapital të huaj dëmton edhe imazhin e vendit karshi investitorëve të huaj të cilët edhe më tutje Kosovën e shohin si mundësi për ta investuar një pjesë të kapitalit të tyre.”
“Andaj kërkojmë qe Kompanitë e Sigurimeve të trajtohen dhe vlerësohen si aset dhe faktor I rëndësishëm I zhvillimit ekonomik dhe I stabilitetit financiar te vendit.Pronaret real te kompanive te Sigurimit jane polisëmbajtësit ,pra qytetarë te Kosovës.”/InLajmi
